برنامج برمجة التركيز | المستوى الاحترافي - نادي العقل
برنامج برمجة التركيز | المستوى الاحترافي
  • المدرب: حسن محمد، مدرب لياقة عقل معتمد
تحديث التاريخ: 9 أكتوبر 2026
برنامج برمجة التركيز | نادي العقل
35,000 د.ع
  • المدرب: حسن محمد، مدرب لياقة عقل معتمد
  • فيديوهات مسجّلة
  • دروس خطوة بخطوة
  • وصول لمدة 180 يوم
  • ضمان استرجاع المبلغ
التركيز

تقعد تدرس… وبعد دقايق ذهنك يهرب؟

محد علّمنا شلون نركز. سمعنا "ركّز" مليون مرة، بس محد شرحلنا شلون.

والنتيجة: ساعات قدام الكتاب، وإنجاز قليل، وسهر وقلق قبل الامتحان. والمشكلة مو بذكائك، المشكلة إن التركيز مهارة ما تدربت عليها.

شنو يتغيّر وياك بعد الكورس؟

  • تبدي المهمة بدون تأجيل، وتكملها لحد ما تخلص.
  • تقعد فترة أطول على الدرس بدون ما تمسك الموبايل.
  • تخلص دراستك بوقت أقل، ويبقالك وقت للراحة والنوم.
  • تعرف شلون ترجّع تركيزك من يتشتت.

مدرّبك

المدرب حسن محمد، مدرب لياقة عقل معتمد ومؤسس نادي العقل. يشرحلك شلون يشتغل الانتباه وشلون تدرّبه بلهجتنا، خطوة بخطوة، وبأمثلة من دراستك وحياتك.

شنو راح تتعلم؟

  • ليش نتشتت، وشنو اللي يسرق انتباهك كل يوم.
  • شلون تجهز مكان ووقت دراستك حتى يساعدك تركز.
  • تمارين يومية تقوي انتباهك شوية شوية.
  • شلون تتعامل ويا الموبايل والإشعارات بدون ما تقطعها.
  • شلون تبني عادة تركيز تبقى وياك بعد الكورس.

شلون يمشي الكورس؟

  • البرنامج مقسّم على 3 أسابيع.
  • كل يوم تحتاج حوالي 15 دقيقة تشوف الدرس، وبعدها تطبّقه بيومك.
  • فيديوهات مسجلة، تشوفها بالوقت اللي يناسبك.

ثلاث خطوات وتبدي

1اشترك: من زر «إضافة إلى السلة» فوق، أو راسلنا على الواتساب.
2ادخل الكورس: توصلك الدروس وتبدي بنفس اليوم.
3طبّق وتابع: تمارين يومية قصيرة، وتشوف تركيزك يتحسن أسبوع بعد أسبوع.

لمنو هذا الكورس؟

  • الطالب اللي يقعد ساعات وينجز قليل.
  • اللي يحس الموبايل ماخذ وقته.
  • الموظف أو الطالب الجامعي اللي عنده مهام هواية وما يعرف منين يبدي.

شنو كالوا اللي جربوه

«حقيقة التقدم الي صار بتركيزي اليوم لمسته لمس فعلي وواقعي… ماكو شيء فاتني من المحاضرة»
محمد السراي، كربلاء
«بفضل دورة التركيز… الان اشعر بفرق كبير عن السنة الماضية من حيث التركيز والحفظ»
حسين، السليمانية
«جانت كلش مرتبة و حلوة و كل معلومة أثمن من الثانية»
زمن، الديوانية

أسئلة تتكرر

هل اكو ضمان؟

نعم، ضمان استرجاع المبلغ حقيقي: إذا التزمت بالكورس وطبّقت التمارين وما شفت نتيجة، نرجعلك مبلغك كامل. بس راسلنا على الواتساب.

ما عندي وقت أشوف كورس.

الدرس اليومي حوالي 15 دقيقة، والهدف إنه يوفرلك وقت أكثر من اللي ياخذه.

هل الكورس للطلاب بس؟

لا. أي واحد يتشتت ويريد ينجز أكثر يستفاد، طالب كان لو موظف.

شنو يشمل اشتراكي؟

الكورس كامل 180 يوم من تاريخ اشتراكك، وكل التحديثات مجاناً خلال هالفترة، وأداة تمارين وتتبّع بتطبيق نادي العقل (تنطلق هذا الشهر) مجانية أول 60 يوم، وبعدها اختيارية بـ 9,000 دينار شهرياً.

محتار بين هذا الكورس وغيره؟

راسلنا على الواتساب، والمدرب يساعدك تختار المهارة اللي تحتاجها هسه، ببلاش.

ضمان استرجاع المبلغ: التزم وطبّق، وإذا ما شفت نتيجة نرجعلك فلوسك كاملة.

اسأل المدرب على الواتساب

حياة طلاب هكر التركيز بعد التخرج من دوراتنا

مريم عباس من الناصريةطالبة
سلام عليكم ورحمة الله اهلا وسهلا استاذنا الفاضل جزيل الشكر والتقدير ممتنه الك وسعيدة جداً بأن اكون فردا من عائلة نادي العقل جزاك الله خير الجزاء وبارك بك وبجهودك المباركة بالنسبة لاستفادتي من الدورات من غير مجامله كنت قبل ان اشاهد المحاضرات مشتته لدي هدف ولكن من غير اصرار ولا معرفة من اين ابدأ لكن بعد مشاهدتي للاستاذ والأب الكريم (حسن العبيدي) اصبح لدي الشجاعة والاصرار والمثابرة على نيل هدفي الذي اسعى اليه وانا متأكدة من تحقيقه بقوة الله تعالى
زهراء هاشم من النجفطالبة
شكرا كلش هواي عل دورات المجانيه ++ حيل استفاديت من الدورات وخاصه دوره الخرائط الذهنيه حاليا جاي ادرب عليها وشفت نتائج عليها تجنن وزاد نسبه الحفظ عندي وصار وقت المراجعه ممتع شكرا جزيلا عل نصائحك واهتمامك بينه ♡ كل الاحترام الك اسُتاذ
دلال من بغدادطالبه
مساء النور وشكرا كلش اهواي ع الأشياء الي داتقدموها النه ❤️ ++ كلش استفاديت واتعلمت اهوايه اشياء من خلال الدوره الي اشتركت بيها وتركت اهوايه اشياء سلبيه جنت اسويها تركت الأشياء الي جانت تاخذ وقتي واليوتيوب فقط دراسة ومحاضراتكم 💯 شكرا استاذ يارب انشوفك بأعلى المراتب كل التوفيق يارب 🤍🤍
جميلة رحمن من أربيلطالبه
مرحبا ستاذ حسن اكو بعض تغييرات بحياتي صارت وتعلمت بعض الاشياء وكاعد شويه شويه اطبق هل شي صح هل شي جديد بحياتي بس كاعد احاول اغير هوايه شياء بنفسي وكاعد اتابع دوراتك وهوايه امور جنت اسويه ضرني وهسه تركته وغيره من الاشياء وكاعد اطبق امور بحياتي جديده واتمنى تقدملنه بعض اخطط الجديده تغييرات حلوه صارت بحياتي عليه ماعون كليجه الي تحبه😂😂😂💗💗 ومتحمسه كلش لدورات الجديده حته كاعد اخطط اجمع فلوسي الي جنت اشتري بيهم شياء تافهة مثل متكول شياء الماشميلو واشتري بيه دورات من عدك 👽💗💗
علي حسين من الكوتطالب
خلصت هسه من الانتقادات ف هسه حرام عليه اذا م اذكر الإيجابيات اولاً اقدم شكري واحترامي للمدرب حسن العبيدي الأب الروحي شكراً على رحابة صدرك الواسعة بل اجبابة على جميع الاسئلة والاستفسارات وشكراً على حرص المدربة نور بمتابعتها لنا الي هاذا شكل نوع من الحماس ان اشوف الدورات واكمله حته اشوف شنو عندي سوءال او مشكلة واجتهني اروح اسئل عليه واحصل على اجابة لها كان لها دور في المسيرة التدريبة وايضاً انته قدوه يقتدى بها كونك مثال حي للنجاح في بلدنا العراق واتمنى اشوفك مدرب عالمي وكلعام احنه وياك مطورين ومتغيرين مجدداً كل الحب والاحترام والتقدير والشكر والمحبة للمدربي العظيم الاولى ♥️ وجداً اعتذر عن الطاقة السلبية الي اجتك بل رسائل السابقة بس انا لست مخطاً او نادماً على قولي اي منها .
عباس طالب من البصرهمحمد
مساء نور ،هلا بيك استاذنا عزيز ،شكرا على دوره خرائط ذهنيه صراحه يوم عن يوم اطور ،شكرا لك على دوره مجانية تحويل شخصية ،وشكرا لك لان غيرتنا ،وعد إذا طلعت اعفاء ودزلك كليجه ،كل عام وانت بخير مقدما.
أفنان من بغدادطالبه
مرحبا استاذ اول شي راح ابدي تعليمات الاسبوع الثاني من أسبوع الجاي ان شاء الله ثاني شي الصراحه و من دون مبالغه الدوره جدآ ممتازه و انصح اي احد يدخل بيها ....شفت نتائج الدوره من اول ما بديت تعليمات اسبوع الاول صح واجهت صعوبات بل التزام بل بس كدرت اتغلب على صعوبات و ما كدرت اخذ تعليمات الاسبوع الثاني لحد ما اتاكد من نفسي اذا جنت منتظمه بل اسبوع الاول لو لا الصراحه هاي اول مره ادخل دوره الإلكترونيه صح جنت متردده انو يخيب ظني بس الحمدلله ما اناخب ظني... هاي الخطوه من احلى خطوات حياتي 🩷 . . . احب اشكرك هواي استاذ على دوراتك و على اشياء الجاي تقدمها النه و ان شاء الله الله يجازيك ب دنيا و الآخره و ما يضيع تعبك ... احم لو اعرف مكان بيتك جان دزيتلك كل يوميه ماعون كليجه 😅
هدى جاسم من بغدادطالبه
مرحبا شكرا الكم #الحمدالله خلصت اسبوع الاول و بادي بل ثاني #اي اكيد التركيز جان يتشتت بس شوي شوي دا يتحسن #حاليا لا استاذ و اكيد تقيمي من ناحية المواضيع المطروحة الي قلة الناس تسطتطرقها بهل عالم الفوضوي تقيم ١٠/١٠ من كل النواحي عاشت ايدكم و اتمنى و انشاءالله بل نهاية رح اشوف تركيزي صاير احسن و اقوة
محمد السراي من كربلاءطالب
مساء النووووووور اسف جداً على التأخير لكن بسبب دورتك استاذ حسن اني مطفي الأشعارات 😁😁 حقيقة التقدم الي صار بتركيزي اليوم لمسته لمس فعلي وواقعي الدكتور شرح اكثر من ساعة و٤٠ دقيقة ما اكلك منتبهة على كل ثانية بس حرفياً ماكو شيء فاتني من المحاضرة اريد اباوع باقي الدورات مال هكر العادات وهاي بس مجاي يصيرلي مجال حقيقة التبسيط الي جاي يوصل الي منك بدوراتك عظمة والله أحب أكلك شكراً صح كلمة زغيرة بس صدكني كمية الأمتنان والحب الي بيها جبيرة وكلش هم ♥️♥️
زمن من ديوانية طالبه
شكراً أستاذ ماقصرت ويانا ، بالنسبة لدورة التركيز الي اشتركت بيها جانت كلش مرتبة و حلوة و كل معلومة أثمن من الثانية و جنت تنطي نقاط محد يهتم الهن فـ نعم كلش استفاديت حطيت نقاط بالي كاعد اشتغل عليهن فـ عاشت أيدك أستاذ و ماراح اتندم اذا اشترك يمك بغير دورة عدى ترتيب الموقع نفسه و طريقة المونتاج و الجودة كلشي يخليك تركز وتهتم بالتفاصيل و عدى معلومات الي تنطيها بالانستا و الي بالتلقرام، ان شاء الله الموفقية 🤍
حسين من السليمانيةطالب
مساء الخير والعافية استاذ حسن الرائع شكرا جزيلا على ما قدمته وسوف تقدمه ولي الشرف ان نكون جزاء من هذه العائلة . اما مايخص السؤال ، نعم كما تعرف اني معلم وطالب كلية في نفس الوقت لذا اعاني من ضغط المواد الدراسية وبفضل دورة التركيز والدروس المجانية لهكر التعلم الان اشعر بفرق كبير عن السنة الماضية من حيث التركيز والحفظ وكنت اتمنى ان اشاهد المزيد من الدوارت لكن للاسف لا املك الوقت الكافي لمشاهدات الفيديوهات والدورات الجديدة . شكرا لك استاذ حسن
حسين كمال زاخوطالب
اهلا وسهلا كابتن اولا؛ اشكرك جزيل الشكر على متابعتك و تتواصل ويانه اول بأول ثانياً:اشكرك على الدورات الي تقدمها من خلال دوراتك صار عندي تغير جذري بمستواي الدراسي و كدرت اتعرف على نفسي و عقلي اكثر و كمت اعرف انظم وقتي و استثمر وقتي بأنتظام الحمدلله لأن عرفتك و استثمرت فلوسي بنادي العقل اني ممتن ألك على المهارات الي تعلمتها منك 🌷
أم محمد من بغدادربة بيت
كل الشكر والامتنان الك انته ورده ممتن جدا عله هاي المعامله وعله هاذ الأسلوب الجميل منك ومن كل المساعدين

12 مراجعة لـ برنامج برمجة التركيز | المستوى الاحترافي

  1. poilkjmuf –

    دوره ممتازه

  2. فاطمه راشد –

    جيد

  3. حسن العبيدي –

    مرحبا

  4. hasan11 –

    جدا استفاديت من الدورة استاذ حسن شكرا لكل تعبك، حقيقة سعر الدورة جدا رمزي و تستاهل اكثر، كدرت بفضل رب العالمين و بفضل نادي العقل اتخلص من ادمان تواصل الاجتماعي و ادرس حسب العمل العميق و درجاتي اتحسنت و حمدلله انشالله احقق كل اهدافي، شكرا جزيلا و احلى ماعون كليجة

    • حسن العبيدي –

      شكرا الكم

  5. Mohamed Al sharouh –

    الدوره مفيدة جدا جعلتني اعطي اهميه للتركيز في الدراسه و حياتي اليوميه, و شكرا حسن لكل تعبك و بالفعل سعر الدورة جدا رمزي 🤍

  6. 78zainhjk –

    دورة كلش حلوه ومفيده استفاديت من عدهه هواي ♥️♥️

  7. عباس مؤيد –

    من أفضل الدورات الي شاركت بيها من خلال هاي الدورة تحسن مستواي الدراسي …

  8. .hussam. bassma –

    دوره جدا مفيده لتحقيق الاهداف مستحيله وصعبه طريقة تكوين جدول ينظيم ويرتيب الاهداف شكرا جزيلا

  9. طارق زياد خليف –

    شكرا كلش هواية على التعب الي تبذلة 💙

  10. salih20052020845512282 –

    عاشت ايدك الدورة تخلي الواحد يبين مشاكلة ، بحيث ينطيك المشكلة مالتك ويا الحل الممكن .

  11. ahmedmahdee2 –

    شكراً على جهودك وياريت واذا اكو امور ماذاكرهن بالدورة او عرفتهن بعد اكمال الدورة ياريت تقدم الاشياء الجديدة والأضافية الي تحسن التركيز ويارب في ميزان حسناتك

  12. ANAS (عميل موَثَّق) –

    دورة رائعة ومفيدة جدا استفاديت منها بحيث من الاسبوع الاول شفت النتائج جنت ما اكدر اركز بينما الان اكدر اركز وانا ادرس وصرت اكدر اقرا لوقت اطول فعلا عاشت ايدك على هاي الدورة 👏

إضافة مراجعة

منتجات ذات صلة

شعار تطبيق ثبّت من نادي العقل

تطبيق ثبّت | مراجعة أحياء السادس العلمي

10,000 د.ع
تحدي النظام الدراسي الممتع | نادي العقل

تحدي النظام الدراسي الممتع | 7 أيام

35,000 د.ع
الذاكرة الذهبية | نادي العقل

الذاكرة الذهبية | تدريب الذاكرة برياضات العقل

35,000 د.ع
دورة الخرائط الذهنية | نادي العقل

دورة الخرائط الذهنية لتقوية الذاكرة والحفظ السريع

35,000 د.ع
برنامج القراءة السريعة العصبية | نادي العقل

برنامج القراءة السريعة العصبية

35,000 د.ع
برنامج برمجة التركيز | نادي العقل
برنامج برمجة التركيز | المستوى الاحترافي