ادرس بوقت أقل،
واحفظ اللي تدرسه
نعلّمك طرق تركيز وحفظ وقراءة مجرّبة علمياً، مشروحة بلهجتنا خطوة بخطوة، حتى تخلص دروسك بدون تراكم وتدخل الامتحان واثق.
تقعد تدرس بدون ما تمسك الموبايل كل شوية.
خرائط ذهنية ومراجعة متباعدة بدل الحفظ الصم.
تخلص الملزمة بوقت أقل وتفهمها من أول مرة.
تعرف شتدرس اليوم، وتخلصه.
تتعب هواية… والنتيجة ما تساوي تعبك؟
مشكلتك مو بذكائك. مشكلتك بالطريقة، والطريقة تنتعلّم.
منين تبدي؟
كورساتنا تمشي على ثلاث مهارات. اختار المهارة اللي تحتاجها هسه.
نعرف هالشعور، ومرّينا بيه
أنا حسن محمد، مدرب لياقة عقل معتمد. شفت طلاب أذكياء يتعبون ونتيجتهم ما تساوي تعبهم، لأن محد علّمهم شلون يدرسون. بنادي العقل نعلّمك الطريقة، ونمشي وياك لحد ما تصير عادة.
طلاب دخلوا متشتتين… وطلعوا بنظام
كلامهم مثل ما وصلنا.
«حقيقة التقدم الي صار بتركيزي اليوم لمسته لمس فعلي وواقعي… الدكتور شرح اكثر من ساعة و٤٠ دقيقة… ماكو شيء فاتني من المحاضرة»
«حيل استفاديت من الدورات وخاصه دوره الخرائط الذهنيه… وزاد نسبه الحفظ عندي وصار وقت المراجعه ممتع»
«اني معلم وطالب كلية في نفس الوقت… وبفضل دورة التركيز… الان اشعر بفرق كبير عن السنة الماضية من حيث التركيز والحفظ»
الكورسات الأكثر طلباً
كل كورس بـ 35,000 دينار، والسعر نفسه للكل.
برنامج برمجة التركيز
تبني تركيز يصمد وأنت تدرس، خطوة بخطوة.
القراءة السريعة العصبية
اعرف سرعتك الحالية، وشوفها تتحسن وأنت فاهم.
الخرائط الذهنية للحفظ
لخّص أي مادة بورقة وحدة تتذكرها بالامتحان.
اشتراكك بأي كورس يشمل
ثلاث خطوات وتبدي
اختار كورسك
حسب اللي تحتاجه هسه: تركيز، حفظ، لو نظام دراسة.
اشترك وادخل الكورس
توصلك الدروس مباشرة، وتبدي بنفس اليوم.
طبّق وشوف الفرق
تمارين يومية قصيرة، وتتابع تحسّنك بنفسك.
يمكن تسأل…
ما عندي وقت، دروسي هواية.
لهذا السبب بالضبط. الدروس قصيرة، والتمارين تطبقها على نفس موادك، فالوقت اللي تصرفه يرجعلك بدراسة أسرع.
جرّبت نصايح قبل وما نفعت.
المعلومة وحدها ما تكفي. كل كورس بيه تمارين عملية وتتبّع، حتى تحوّل الطريقة لعادة مو مجرد معلومة سمعتها.
هل يناسبني؟ آني مو طالب إعدادية.
طلابنا بالإعدادية والجامعة، وموظفين ومعلمين بعد. أي واحد يتعلم أو يقرا هواية يستفاد.
35 ألف مو شوية.
تاخذ الكورس كامل 180 يوم، وأداة التمارين مجانية أول 60 يوم، وكل التحديثات مجاناً. وعدنا ضمان استرجاع المبلغ إذا التزمت وما شفت نتيجة.
أونلاين؟ يعني محد يتابعني.
تكدر تسأل وتلكى جواب على الواتساب، وأداة التتبّع تخليك تشوف التزامك وتحسّنك يوم بيوم.
تحدي قهر عفن الدماغ
الموبايل ماخذ وقتك وتركيزك؟ 7 أيام، كل يوم حلقة ومهمة عملية، تفكك بيها عادة الموبايل وترجّع تركيزك العميق.
15,000 دينار 35,000 لأول اشتراك ويا نادي العقل
مو متأكد؟ ابدي بكورس «الدراسة والتعلم كالمحترفين»
كورس مجاني تتعلم بيه أساسيات الدراسة الذكية، وتشوف طريقتنا بنفسك قبل ما تشترك بأي كورس.
تعلّم ببلاش
مقالات عملية بالدراسة والتركيز والذاكرة، تنزل كل يوم.
ثبّت: راجع الأحياء بذكاء
يختارلك شتراجع كل يوم، يجمع أخطاءك بصندوق وحده، وولي الأمر يتابع من حسابه. جرّبه 7 أيام.