شنو يتغيّر وياك بعد الكورس؟

• تبدي بالمهمة بدون تأجيل، وتكملها لحد ما تخلص.
• تدرس أو تشتغل بكتل تركيز عميق أطول، والموبايل بعيد.
• تخلص بوقت أقل، ويبقالك وقت للراحة والنوم.
• تنتبه بسرعة من يطلع انتباهك، وترجّعه.
• تعرف تكول «لا» للي ياخذ وقتك وطاقتك.
• تبني محيط وعادات تحمي تركيزك حتى بعد ما تخلص الدورة.

مدرّبك

المدرب حسن محمد، مدرب لياقة عقل معتمد ومؤسس نادي العقل. يشرحلك شلون يشتغل الانتباه وشلون تدرّبه بلهجتنا، خطوة بخطوة، وبأمثلة من دراسة الطالب وشغل الموظف وحياة البيت.

خطة الدورة: 22 يوم

الأسبوع الأول (الأيام 1–7): نستعد للتركيز — نفهم عقلنا، نعرف مشتتاتنا، ونبني الأساس

• ليش نبدي بتحليل الدم: نقص بعض الفيتامينات والمعادن يأثر على التركيز والمزاج والنوم.
• فلتر العقل: ليش تشوف الشي اللي حطيته هدف بكل مكان، وشلون تختار 3 أهداف بالكثير.
• معادلة الإنتاجية: الوقت × التركيز، وليش تبدي بـ5 دقايق تركيز كامل وتزيد.
• العمل العميق: شنو هو، وشلون تحوّل حتى غسل السنون لتمرين انتباه.
• خريطة يومك: المهم والممتع والمشتت، ووين يروح يومك فعلاً.
• «وين آني هسه؟»: سؤال واحد يرجعك للمسار.
• استراتيجية «لا»، والتركيز بعلاقاتك وبيتك، وزمن الرد السريع.
• المماطلة اللي تلبس ثوب "الشغلات المفيدة"، وليش تركيزك صار سلعة تنباع.

الأيام 8–15: أيام التطبيق

بدون حلقات جديدة. كل يوم جلسة تركيز تبدي بـ10 دقايق وتزيد، و«لا» لمشتت واحد، وتسجل بالكتيّب. هنا يصير التغيير الحقيقي.

الأسبوع الثاني (الأيام 16–22): ندخل للتركيز الاحترافي — عادات، محيط، وطاقة تحمي عملك العميق

• عادات العمل العميق اليومية، وشلون تحمي طاقتك.
• شلون تركز بمكان شغل أو بيت مزدحم.
• «كوخ الأمان»: تحوّل غرفتك لمكان هادئ بلا مشتتات.
• ركّز على طريقك، مو على طريق غيرك.
• مشروع واحد لحد ما ينجح، قبل ما تبدي غيره.
• إذا ظروفك ما تسمح تبعد الموبايل: جهاز للضروريات بس.
• الخلاصة: تركيز أكثر على أشياء أقل.

ثلاث خطوات وتبدي

لمنو هذه الدورة؟

• الطالب اللي يكعد ساعات وينجز قليل.
• اللي يحس الموبايل ماخذ وقته.
• طالب الجامعة أو الموظف أو صاحب المشروع اللي عنده شغل هواية وما يعرف منين يبدي.
• اللي خلص تحدي قهر عفن الدماغ ويريد المستوى الاحترافي.

شنو كالوا اللي جربوه

أسئلة تتكرر

اسأل المدرب على الواتساب