من نحن
نعلّمك شلون تدرس، مو شنو تدرس
نادي العقل يعلّم الطلاب مهارات التركيز والذاكرة والقراءة والعادات، بطرق مجرّبة علمياً ومشروحة بلهجتنا، حتى تدرس بوقت أقل وتحفظ اللي تدرسه.
ليش بدينا نادي العقل؟
لأن محد علّمنا إن التركيز مهارة مو موهبة. تعلّمنا نحشي المعلومات، مو نفهم شلون يشتغل عقلنا. والنتيجة: طلاب أذكياء يتعبون هواية ونتيجتهم ما تساوي تعبهم.
بدينا نادي العقل حتى نكسر هالنمط: نعلّمك الطريقة، ونمشي وياك لحد ما تصير عادة.
شنو نعلّم؟
التركيز والقراءة
تقعد على الدرس فترة أطول، وتقرا أسرع وأنت فاهم.
الذاكرة
خرائط ذهنية وتقنيات حفظ تخلي المعلومة تثبت لحد الامتحان.
العادات والدراسة
نظام يومي وعادات تخليك تكمّل اللي تبديه.
مدرّبك
حسن محمد، مدرب لياقة عقل معتمد
مؤسس نادي العقل، وصاحب قناة يوتيوب بيها أكثر من 121 ألف مشترك وأكثر من 340 فيديو مجاني عن الدراسة والتركيز والعادات.
شلون نشتغل
- علم صادق: أي معلومة علمية نذكرها، نذكر مصدرها. وما نعطي وعود سريعة مبالغ بيها.
- تطبيق مو حفظ: كل درس ينتهي بتمرين تطبقه على موادك.
- ضمان استرجاع المبلغ: إذا التزمت وطبّقت وما شفت نتيجة، نرجعلك فلوسك.